قصيدة الحل في البل

أكلوا .. أدوا .. تمو توركو .. زولكو .. دوركو
اكلوا توركو أدوا زولكو

تمو دوركو

ارجو توا

حولكو لوكو

ليكو مر

زمنكو هاي

نفق بتاني

ما بدر كراع في الحر ،

وكراع في الضل

جلوس بي خراب حق الله عليكو ،

حظكو خاب:

رز ..

عدس ..

فاصوليا ..

كباب

زمنم فات زمن الكتاب:

شل،

أجب،

موبيل،

توتال

خضر آمين سر التجار

حليلو مماكس سيد البار

عليكم الله ادونا مجال

خلونا نزرع دمنا فار

كن شالوك خفيف تنشال

وكن خلوك كفيف أفكار

شليق وكلدلنق..

تهمة بيت قصيد

فريني كو شلن كن غابة شابة،

شاهدة كاجرة رنق فتحنا بينا لنق فتقنا كالبريق

شبكنا كالسرو في جادة الطريق

متسع في ضيق

تضيق محل رهيف

تنقد شهر رديف

كسكس غادي أخونا

توا اقيف

يا عامل فوقا

أبون عرّييف لفيف

حبل دلو وضعنا ما تمام..

كن شفتا منظرو قعاد جرادة سروال،

قعادا ما حلو

لكنو ما خطير ..

انحنا ناس شغل،

اجرنا ما كتير

الريس فوقنا في،

الراستا والخفير

والعمرو ما انحني

انحنا في العدم

إخوان في ربنا

بنوم بي همّنا

فوق دمّنا الحميم

الشلتو بالشمال

راح ناخدو باليمين

تمرقو طين ملس..

دنيا أم سفاريق ..

ها.آآآآي دنيا بت بقس

اقا جاي أخونا

أسمعنا زين وهس

فوتنا من بحين العدل

دولتو امبكرة يوم

نقيم يكون دا يوم

هنا أولاد قلبا

نحنا وقوف

كما القنا آمالنا شوفا فوق يرضيك تخونا..

ككيف تلجنا؟

اقيف تعال هنا

أسمعنا مفترض يدينا شوفا فوق

شكيك فدا البلد

شابكين بدون نقاش

صابين جنس صداقة:

سلمية سلمية

أمبينا كم علاقة

تاقا تاقا نتاقا ..

حلو في بلو يا اساقا

كبيرنا عندو بقاقا

قال نقدو ليه بابا تس ترس تس ..

كلام الناس الفوق

الناس الفوقنا تقص

تدير وتحجم اضن ..

هس .. سامح .. قطم هد أحلامنا وهدم

شيلا وكجم

فص ورا فص فصنا

دايرنا انحنا الثورة

قادرة تعيلنا سماحنا

الفضل سمي كريرنا

وصوتنا العالي سايمين

زيتنا مين الشاري مننا زيتنا؟

بكرة فجر يقطع رأس خيتنا

نلتّق ريدنا بدون كراب

سوقو العظمة باب ورا باب

يلا نغني:

الثورة شباب

رز

عدس

فاصوليا

كباب

شل

أجب

موبيل

توتال

الحل × البل

رأي الثوار

خلونا نقرر

حلمنا طال

أي ظلم بديلو جمال ..!
نيالا – 2019